ՀԱՆՐԱՊԵՏՈՒԹՅԱՆ ՕՐՎԱ ԱՌԹԻՎ
Սևան համայնքի հարգարժան բնակիչներ
Սիրելի հայրենակիցներ
Մայիսի 28-ին Հայաստանի Հանրապետությունը նշում է Առաջին հանրապետության օրը։
Շնորհավորում եմ բոլորիս տոնական օրվա առթիվ։
Մայիսի 28-ը մեր ժողովրդի պատմության մեջ աննախադեպ ու պատմական իրադարձություն է։
Դարեր շարունակ պետություն ու պետականություն չունեցող ժողովուրդը թոթափեց իր ուսերին դրված մեծ բեռը և 1918թ. ոչ միայն ինքնակազմակերպվեց, այլ նաև ստեղծեց պետություն:
108 տարի անց էլ Առաջին հանրապետության ստեղծման օրը մեզ համար եղել և մնում է ոչ միայն խորհրդանշական, այլ նաև պատմական և կարևորագույն օր:
Առաջին Հանրապետությունը ստեղծվեց մեր ժողովրդի համար ծանր ու բախտորոշ ժամանակահատվածում, ու մայիսի 28-ն էլ դարձավ ճամփաբաժան՝ փոխելով մեր պատմության ուղին, հային վերադարձնելով իր ինքնությունը, ձևակերպելով մեր նպատակներն ու ապագան:
Չնայած երկուսուկես տարվա կենսագրությանը՝ Առաջին հանրապետությունը կատարեց իր պատմական առաքելությունը՝ հիմք դնելով քաղաքացու գիտակցության ձևավորմանը։
Օրը լավագույն առիթ է՝ միավորվելու ազգային համախմբման գաղափարախոսության և մեր երկրի զարգացման գաղափարների շուրջ, վերահաստատելու մեր հանձնառությունը պետականաշինության գործում։
Անկախությունը, ազգային պետականությունը գերագույն արժեքներ են, ու այդ արժեքների կենսագործումը կա ու մնում է մեր ամենօրյա աշխատանքի առանցքում։
Սիրելի հայրենակիցներ
Իմ, համայնքի ղեկավարի աշխատակազմի, բնակավայրերի վարչական ղեկավարների և համայնքի ավագանու անունից ևս մեկ անգամ շնորհավորում եմ բոլորիս հայ ժողովրդի համար պատմական ու նվիրական օրվա՝ Մայիսի 28-ի առթիվ:
Մաղթում եմ ոգու կորով, մեծագույն կամք, միասնականություն, հավատ ապագայի նկատմամբ: Արժանի լինենք մեր բոլոր ժամանակների հերոսների պայքարին, նրանց թողած պատգամներին, մեր նվիրումի ու ջանադիր աշխատանքի շնորհիվ ստեղծենք ուժեղ ու հզոր պետություն՝ հանուն մեր երկրի կայուն առաջընթացի ու մեր ժողովրդի բարօրության: